Election dak sendakba nung senden amen

Dimapur, Tsüklai/February 12 (TYO): Taruba Lok sabha General Election dak sendakba nung February 12 nü DPDB Conference Hall, Kohima nung Election Expenditure aser Monitoring senden ka menogo.
Assistant Commissioner aser Nodal Officer, EEM, Vineet Kumar, IAS-i expenditure monitoring team züngsemtem dang election expenditure monitoring; democracy nung sen tashi amshiba nung lendong keta aliba, aser election mapang sen indokba asadangtsü nüngdakba amala onük tem nung tongtibang legal provisions tem metetdakja liasü.
Paisa election takok ngua akatsü atema team balala dang teka amteper inyaktsü aser election kecha tetsükdaktsü madoki katettsü asoshi süngsemtem dang pei tata mapa atema renemshia alitsü mepeshi metetdaktsüogo, ta sorkar sangdong ka ajanga metetdaktsü.