Election dak sendakba nung senden balala aka

Dimapur, Tsüklai 14 (Agencies): 29 Jangpetkong aser 30 Alongtaki A/C atema General Observer J.M. Pathania, IAS-i ADC Conference Hall nung Tsüklai 12 nü Booth Level Officers tem den senden ka amen.
Election inyakyim core team nung shilem ka ama Pathan-i ashiba agi, BLO temi election timi aser talenba kecha melii agidaktsütsü atema tongti shilem agitsüla.
Taruba election dak sendakba nung terenemshibatem asadangba den BLO tem teinyaktsü paisa lemsatepa liasü.
ADC, Mangkolemba, Razouvolie Dozo-i senden nung jembidang, state nung taoba küm trok tsüngda nung electoral roll mashiyim agi renloka aoba ajangshia aruba shisema liasü.
BLO tem dang parnok teinyaktsü tim inyaktsü ajungshiba den paisa ashiba agi, election takok ngua agitsüba aser tangar melena vote ajenba nokdangtsü asoshi BLO tem dak keta lir.
J.M. Pathania-isa constituency ana nungi Village Council tem den Tsüklai 12 nü Mangkolemba, Dobashi Conference Hall nung senden ka ayongzüka amen.
Iba senden nung Observer-i Village Council nung züngsemtem dang free, fair aser tetsübu makaba election ka agitettsü asoshi parnoki parnok mapa shidak inyaktsü asoshi mepishi.
Paisa ano Election Commission of India guidelines aser Model Code of Conduct shidak benshitsü asoshi parnok dang mepishi.
Election mapang temzüng ozüng shidak benshitsüba atema sepaitem aser Administrative Officers tem yoka aliba nem takoktashi Village Council temi teyari agütsütsü, ta temulung lema bilemba paisa lemsatepa liasü.