Election Department den yariteptsü atema State Core Committee tentet

Dimapur, June 3 (TYO): 2010 küm tenzükba Systematic Voters’ Education and Electoral Participation (SVEEP) ya Election Commission of India indang tongtipang sentong ka kümogo. SVEEP indang nükjidongji election nung nisung teimbai shilem agitsü, voting dak sendakba timi inyaktsü aser nübor nem electoral aser democracy education agütsütsü atema lir, ta DIPR sangdong ka nung metetdaktsü.
SVEEP – III Project Document 2016-2020 nung India ajungalen voter education agütsütsü aser ibaji polling station ajak nung vote agütsür shia atongtsü atema alizüng lir.
13 buba Nagaland Legislative Assembly indang general election ji 2018 küm tetenzüklen agitsüba lir aser iba asoshi nisung ajaki Election Commission den yaritepa mapa inyaktsüla, ta sangdong nungsa shia lir.
Taruba assembly election nung nisung teimbai election nung vote agütsüdaktsütsü atema sentong kar agitsü lir aser itemji, arishi küm 18-21 tsüngda alirtem electoral roll nung tenüng züluoktsü atema Special Drive agitsüba, October 1, 2017 nungi Special Summary revision of electoral roll agitsü, January 25, 2018 nü 8 buba National Voters’ Day amungtsüba, aser teküpokba jenjang tashi nung vote agütsüba maparen timi aser ozüngi melaba ama inyaktsü asoshi campaign agitsüba lir.
Iba dak sendakba nung State Core Committee ka tentetogo aser iba luden nung sorkar department shima Election Department den yariteptsü.
State Core Committee indang sendenji June 14, 2017 anepdang 11:00 ako nung Conference Hall, Hotel Japfu Kohima nung amentsü. Anungji züngsem ajaki action plan bener arua lemsateptsü metetdaktsür, ta sangdong nung metetdaktsü.
Iba dak sendakba nung osang metetnürtemi Deputy Chief Electoral Officer den office mapang phone number 2292313 mesüra toll free number 1950 ajanga tongteptsü akok, ta sangdong nungsa shisem.

State Core Committee
Sl NoName & Designation Department/Organization
1 Director Higher Education
2 Director Technical Education
3 Director School Education
4 Director Youth Resources & Sports
5 Director Information & Public Relations
6 Gen. Manager Nagaland State Transport
7 DPS Postal Service Department
8 Director Municipal Affairs
9 Convenor State level Bankers’ Transport
10 Station Director All India Radio
11 Station Director Doordarshan Kendra
12 State Organization Commissioner Bharat Scouts & Guides, Nagaland
13 Group Commander NCC. Nagaland
14 State Liaison Officer National Service Scheme, Nagaland
15 Youth Coordinator Nehru Yuva Kendra Sangatham, Nagaland