Election Department-i PSUs den senden agi

 

Dimapur, September 4 (TYO) : September 4, 2015 nü De Oriental Grand Hotel Kohima nung Public Sector Undertakings (PSUs) aser Chief Electoral Officer, Nagaland tsüngda Special Summary Revision of Electoral Roll atema senden ka agiogo.

Election Commission of India (ECI) tetuyuba kübok sorkar jenjang nung, yimten teloktem aser PSUs den electoral roll revision atema sendentem alir, ta CEO, Nagaland Sanjay Kumar, IAS-i metetdaktsü.

Tanü agiba sendenji Banks, NGOs, Semi Governmental Organisations nungertem den liasü.

Election ya sensotemi sorkar atema nübo shimba maparen ka lir aser nisung kati vote agütsütsü atema pa/la tenüng voting list nung alitsüla. Asenoki ‘free and fair’ election agitsü atema inyakyim tenzüktsüla aser ibaji tongtettsü atema tashishitsü maketba electoral roll ka alitsüla, ta CEO-isa ashi.

State jenjang nung partner departments, organisations, PSUs, NGOs aser Semi-Government Organisations nungertemi pei mapa inyakertem e-roll nung ochishia züluoktsü atema tesayuba agütsütsüla aser pei tesemtem nung election den sendakba osangtem ayutsü melatsüla, ta Sanjay Kumar-isa tayongzükba agütsü.

Nagaland state nung e-roll nungi tim masübatem agienba maparen nung teinyaktsü aika lir aser iba ya nübortemi inyaktsüla. State nung industry tulu mali saka Banks, Telecom operators aser NGOs amala PSUs aika lir. Item yagi ECI den yariteptsüla, ta Deputy CEO, Vekho Vero-ia tanü senden nung ashi.

Tanü senden nung mendenji Joint CEO, N. Moa Aier liasü aser pai ashiba agi Department-i e-roll merüktetba mapa inyaka arur aser kümshia tenüng talila züluoka alibatem endoker.

Iba inyakyim nung nisung ajaki shilem agitsüla aser iba nungji ajemdaker tanü senden nung adenertemia yariteptsüla, ta N. Moa Aier-isa ashi.

Senden nung Post Offices, KMC, Airport Dimapur, PSU-Banks, Rotary Club, Kohima and Dimapur, Chamber of Commerce Kohima, Red Cross Society of Nagaland, Bharat Scouts & Guides Nagaland, Rajya Sainik Board, Airtel, Aircel aser Vodafone nungi nübotem arua shilem agi.

You must be logged in to post a comment Login