Election nung ICT, mobile apps balala amshitsü ajungshir

Kohima, April 03 (TYO): Elections junga aketdangsüa agitettsü atema Election Commission of India (ECI)-i election mapang balala nung Smart Technology amshir; yamaji tan elections nung sesoatem, candidates aser yimtenren party temi tsünglanglen agüja aliba Information & Communication Technologies amshidar, ta tanü Media Cell, CEO Office Nagaland-i sangdong ka nung metetdaktsü.
cVIGIL: cVIGIL app amshiba ajanga sensotemi pei meyong Android mobile nung Model Code of Conduct alema inyakba record süa election ketdangsertem nem agütsütettsü. cVIGIL ya kanga tongmelang Android-based- Mobile App ka lir aser melamela noksa tangoka mesüra video agir iba indangji tongmelang agi shia cVIGIL mobile application upload sütettsü.
Voter Helpline Mobile app: Iba app ajanga sensotemji electoral roll nung pei tenüng reprangtettsü, online forms agütsütettsü, complaints agütsütettsü aser mobile app nung telangzüba angutsü.
PwD App: Iba app nung Persons with Disabilities (PwDs) sensostemi registration tasen aatema apply süatettsü, address aser tanga almelenshitettsü aser iba app ajanga PwD ta ‘mark’ sütettsü. Pei contact osang agütsüba ajanga Booth Level Officer-i ki tonga arua yaristettsü. Polling mapang PwDs-i wheelchair-a meshitettsü akok. Iba app ya google play store nung angutsü.
Suvidha Candidate App: Election nung toktepter candidates-i website https://suvidha.eci.gov.in nung log in ser temelaba meshitettsü. Registration takok ngua agiba sülen nominations aser temelaba meshiba status Android based Mobile app nung angutsü. Candidate temi iba app ya Google Play store nungi download süatettsü aser registered mobile number ajanga log on süa parnoki agütsüba applications reprangtettsü.