Election nung sen mashii bener mesenzütsüla

Dimapur, Aenjeti 31 (TYO): 13 buba Nagaland Legislative Assembly indang election dak sendakba nung aser Election Commission of India-i tetuyuba agütsüba ama, political party, candidate aser party züngsemtemi sen aser election dak sendakba osettem mebenshitsü atema tetuyuba agütsüogo.
Candidate, agent mesüra party züngsem amenba gari nung sen 50,000 dak tema bena lira mesüra sen 10,000 dak tema alang poster, election materials, mozü, yi mesüra sempettem bena lira aputsü, ta sorkar sangdong ka nung metetdaktsü.
Maneni public kari sen 50,000 dak tema bener senzütsüsa kümra, senji kong nungi angu aser kechi atema’ar kulikakettem alitsüla, ta sangdong nungsa metetdaktsü.