Election tiptema agiba atema pelar: NDPP

Dimapur, April 12 (TYO): Lok Sabha election aser 26 Aonglenden Assembly Constituency indang by-election nung arogotem, Civil Society Organisations aser Tribal Hoho temi shilem agiba atema kanga pelar ta NDPP-i metetdaktsü.
Elections nung shilem agiba political party ajaki shilem agiba ajanga democraty tashi itdaktsüogo. Elections nung toktepba political party temji tsükchirtem masü saka tetoktepertem dang lir. Anungji political party balalai manifesto bener aser candidate yoka elections nung shilem agiba atema NDPP-i pelar, ta Media & Communication Committee-i ashi.
NDPP-i Nagaland ajungalen nüboyima senzüogo aser iba mapang party aser züngsemtemi kodanga onok den toktepertem anema mejembi aser kija mesüra party shinga daka tim masüba mapa meinyak. Tarutsü nunga sensotemi tang shilem agiba ama election maparen nung shilem agitsü imlar, ta parnokisa metetdaktsü.
Onok den yaritepertem- BJP, JD(U) aser Independent parties-i NDPP-PDA consensus candidates Tokheho Yepthomi aser Sharingain Longkumer posema yariba atema kanga pelar. May 23, 2019 nü vote mazüng tashi election maparen metembangi atatsü aser mapang matong tashi anendaka yua aliba mapatem NDPP-PDA sorkari maneni inyaktsü, ta Media & Communication Committee-isa ashi.
Election tiptema agiba atema Election Commission of India, State election department, administration, police, law enforcement agencies, government & non-government agencies ajak nem tenüngsang agütsür aser pelaba shisemer, ta NDPP-isa metetdaktsü.