Electric yindong 5 melenba nung yaritep

Mangkolemba, May 27 (TYO) : May 26 , 2016 nü Satihit Ward Executive Committee-i Power department den yaritepa ward nung electric yintong pongu tashi song agi kanga mejungi chir aliba melena among, ta ward Chairman Talimeren Walling aser tongti tezülur Kilangtoshi nati sangdong ka ajanga metetdaktsü.
Junior Engineer (JE) Imotiba Kichu-i anir power department nung inyakertem parnok nisung 5 den ward nungi nisung 10 dener ward telongtet nung yintong kanga mejungi alibatem melena aser tera mejungi alibatema yanglushia among, ta kasa sangdong ajanga ashi.
Mangkolemba jila nung tang electric yintong 70 shi song agi kanga mejungi chisar lir aser itemji power department ajanga tekaratiba nung melentsütsü nüngdaka lir.
Satihit Ward Committee-i power department nung inyakertem dang kanga pelaba lemsateper aser lendong nungi kümzüka jila nung light metitemi atsüktsü atema tang electric yintong kanga mejungi aliba tem ajak tekaratiba nung melenjang ta temebishiba ka angutsüogo, ta sangdong ajangasa ashi.

You must be logged in to post a comment Login