Elite Entertainment Enterprise-i Kohima Hornbill Gala ayongzüktsü

Hombarnü  (28.10.19) Capital Convention Centre nung osangbener den jembiba mapang 3E Nagaland züngsemtem külemi tangokba noksa ka yangi angur.  

Kohima, Mongputeni/October 29, 2019 (TYO): December ita Kohima nung anogo 10 tashi Hornbill Festival sentong nung benjungtepba den külemi New Secretariat Complex kübok Naga Solidarity Park nung December 1 nungi 10, 2019 nü tashi Elite Entertainment Enterprise (3E)-ia ‘Kohima Hornbill Gala 2019’ sentong tajung ka ayongzüktsütsü ternemba lir.
Captial Convention Centre nung Hombarnü osangbener den jembiba mapang, 3E Managing Director, Kethosituo Elvis Mepfuo-i ashiba agi, anogo 10 tashi ayongzüktsü aliba sentong nung music, saisapong, entertainment den külemi kin balala indang chiyongtsü aser osettsüsettem sayutsü.
Iba denji külemi, ethnic food stalls, merchandise stalls, Ferris wheel aser tanga fun rides, bouncy castle aser Movie night funfair tem ayongzüktsütsü. Electronic Dance Music (EDM) aser Open air concerts atema yakta anogotem metetdaktsütsü, ta Elvis-i ashi.
Kohima Hornbill Gala sentong nungsa Class 8 nungi tekübok kaketshirtem atema kijai atenba ken aser painting tetoktepbatem ayongzüka agitsü, ta paisa ashi.
December 5 nü Junior category (küm 17 tekübok) aser veteran category (küm 40 tama) atema Naga wrestling championship asayamung ayongzüktsütsü. Iba tetoktepba nung takok angurtem asoshi sempet telemsa yamai alitsü: Junior – 1st Sen 20000, 2nd – Sen 15000, 3rd – Sen 10000 aser 4th – Sen 5000 asütsü; kasa mapang Veteran – 1st – Sen 50, 000, 2nd – Sen 25,000, 3rd – Sen 15000 aser 4th – Sen 10,000 asütsü, ta pai metedakja liasü.
Junior tem atema entry fee ji sen 200 aser Veteran atema sen 500 asütsü aser iba nung shilem agitsü atema registration ji November 1 nungi tenzüka November 30, 2019 nü tashi alitsü, ta pai ashi.
December 6 aser 7 nü Mixed Martial Arts Association of Nagaland (MMAAN) aser MMA India tawabangba kübok Mixed Martial Arts (MMA) X1 Fight Night sentong ayongzüktsü. X1 International & Director of Tournaments, Co-founder, Khriemhalie Metha-i, iba asayamung nung temulunger ajaki shilem agitettsü saka tongtibang asayamung nungbo professionals tsüngda ang asayatettsü.
December 8 aser 9 nü Nagaland Athletics Association lenisüba nung küm shia agiba Hornbill Half Marathon sentong ayongzüktsü, kong teburtem aser tetsürtem atema Half Marathon (21.0975 KM), Class 8 nungi tekübok kaketshir tetsür aser tebur atema 9.1 KM Great Hornbill Run aser “Hornbill For All” omen kübok mamtamabensartem atema Special Lap ayongzüktsütsü ternemba lir, ta Mepfuo-i ashi.
Half Marathon (21.09 KM) nung takok angurtem nem (tetsür aser tebur): 1st – Sen 50,000, 2nd – Sen 25,000, 3rd – Sen 15,000 aser 4th – Sen 10,000 agütsütsü.
Great Hornbill Run (9.1 KM) nung takok angurtem nem (tetsür aser tebur): 1st – Sen 10,000; 2nd – Sen 7,000, 3rd – Sen 5000 aser 4th – Sen 3000 agütsütsü.
Special Lap nung shilem agir ajak nem sempet agütsütsü, ta pai metetdaktsü.
Nagaland telungtet nungi Marathon asayamung nung shilem agitsü asoshi registration November 1 nungi 30, 2019 nü tashi lapoktsütsü aser bendanglen state atema registration December 7 nü agitsü. Great Hornbill Run atema entry fee ji sen 200 aser Half Marathon atema sen 500 asütsü.