Elite & Head Hunters 22 buba Classic Cup quarterfinal tongogo

Head Hunters aser Adroit Boys asayartemi Kohima nung tasayadak 22 buba Classic Cup football asayamong nung toktepa shilem agiba noksa ka yangi angur. (Kohima, November 17)

Kohima, November 17 (TYO): Elite Football Club (FC) aser Head Hunters telok nati takok ngua, tang tasayadak 22 buba Classic Cup football asayamong quarterfinal asayatsü jenjang tanü, Brehostibar nü ajangzükogo.
Tanü mezüngbuba asaya nung Elite teloki goal 1-0 agi Boys FC madak takok ngua, quarterfinal asayatsü jenjangji ajangzük.
Tanü asaya tanabuba shilem tenzüker mezüngbuba minute nung Khangatar-i par Elite telok asoshi takokba goal agüja liasü.
Head Hunters telokia tie-breaker metsütepba sülen goal 4-2 agi Adroit Boyz Sechü Zubza telok tsükdaktsü.
Lemzüktsüba asaya mapang nung telok anapronglai goal kata magütsüteti goal 0-0 draw nung tembangba sülen takoker shimtsü atema tie-breaker metsüteptsüsa aküm aser tesülen, Head Hunters teloki takok angu.
November 18 nü asaya yamai alitsü:
1. Naga FC vs Intimidators FC @ 1:00pm
2. MT Youth Club vs FC Royals @ 2:30 pm