Ellie Goulding-i kentenba nungi anisüngzüker

Los Angeles, March 13: Kentener Ellie Goulding la tedong Dougie Poynter den pilba sülen lai ken tasen mejemba maparen nungi anisüngzükogo.
Arishi küm 29 ‘Love Me Like You Do’ ken atenla, Ellie-i twitter ajanga iba osangji lemsatepa liasü.
“Ni kentenba metoktsür, (kechiyong) yamaji asütsüsa joko ni lenmang talangka jajaogo! Oda khen anisüngzüker dang. Ni animesüngzüki joko küm tenet jungogo. (Ni) Nenok ajak meimer,” ta lai twitter ajanga la sapurtem dang ashi.
Tamalen lai, tesüiba hopta ishikaji ni atema mapang tamajung liasü aser ni khen anisüngzüktsü, ta metetdakja liasü.
Lai atenba ken tajungtem rongnung- “Anything Could Happen”, “Love Me Like You Use To”, “On My Mind, “Burn”, “Goodness Gracious” aser “Lights” densema lir.