Elliott-i ODI asayatsüren toktsür

Auckland, April 02 (Agencies): New Zealand tenüng nung cricket asayar, Grant Elliott-i One Day Internationals (ODIs) asayatsüren toktsütsü lemtetba osang ka metetdaktsüogo.
Tawa England den tamakok ngua asayaba ICC World Twenty20 (T20) asayamong semifinal asaya nung arishi küm 37 Elliot-a par New Zealand telok nung densema liasü.
“Ni ODI asaya toktsütsü lemtetogo. Ajisüaka, ni T20 cricket-bo maneni asayatsü akok,” ta Elliott-i osang jangjashitsü.
South Africa nunger Elliott-i international cricket asayatsü nükjidong nung N Zealand-i aoba sülen pai 2008 küm N Zealand tenüng nung mezüngsüa England telok den Test asaya nung shilem agi.
Ajisüaka, pai küm 2 tsüngda nung Test asaya 5 shi nung dang shilem agiba osang jangjaogo.
Elliott-i tanü tashi nung ODI asaya 83 nung shilem agidang ajak agi runs 1,976 yangluba den külemi, ajak agi wicket 39 tashi agiba osang bushiteta lir.