Elton John indang Biopic sayatsü India nung ‘A’ Certificate agütsü

Aami/June 3, 2019 (Agencies): Nüngtugu British nunger kentener Elton John indang taküm otsü film Rocketman koba Russia nungbo shilem kar indoktsüogo, iba film ya India nung kecha temelenshi melei sayatsü temeleba agütsüogo.
Film koba India nung Viacom18 Studios-i lemshitsü, iba film kecha memelenshi censor certificate nguogo. Film ya May 29 nü asadang asü aser May 31 nü sayatsü atema ‘A’ certificate agütsüogo.
“Iba movie ya ni nüngtugu aküm tenzükba mapang indang asütsü. Iba mapang ya kü asoshi tesüngmangtsü mapa ka asü aser ni film-ia iba amaji südaktsüner,” ta John-i ashi.
Film ya John ajaki meteta akümba mapang indang otsü asütsü koba musical fantasy ka ta rasaa shiogo. Rocketman nung akmesen piano atemer ka alima ajungai meteta akümba indang otsü sayutsü.
Iba film ya Dexter Fletcher-i direct asü aser Richard Madden-i John indang manager John Reid aser Jamie Bell-i John den külen ken zülur Bernie Taupin shilem agitsü.
India nung iba film kecha tetsükdaktsü makai temelaba agüjaka Russia nungbo movie lemshirtemi film nung shilem kar indokogo, koba kentener aser film yangluri aitsüogo.
Parnoki külem sangdong ka ajanga ashiba agi, “Russian market nung Rocketman film indang shilem kar agintsüba onoki aitsür koba onoki mejangjai laisü. Local distributor temi shilem kar edit süogo aser iba ajanga iba film kechi nükjidong nung yanglu iba indang noksa tejangja reprangtsü maongka nüburtem ket nungi aginogo.”
Osang ajanga ashiba agi, Central Partnership otongdar ajanga ashiba agi Russia nung temzüng ozüng kübok inyaksangshitsü atema film nung shilem kar agina yanglushiogo.