Elton John kentenba nungi tangsabo animesüngzüktsü

Los Angeles, December 4 (Agencies) : Nüngtugu kentener tejen, Elton John-i, pa kentenba nungi tangsabo animesüngzüktsü, ta osang tejangja metetdaktsüogo.
Osangbenertemi arishi küm 69 tain, John 2017 küm alima sema kenten sentong agia jajaba sülen kentenba nungi anisüngzüktsü ta metetdakja liasü, ajisüaka pai item osangtemji Instagram ajanga nembangtsüogo aser pa sapurtem dang shisa mebulutsü metetdaktsüogo.
“Nenoki tanü osangkakettem nung azüngbaji tamang. Ni kentenba nungi anisüngzüktsü ta ashibaji olulu ka tang lir,” ta pai Instagram ajanga metetdaktsü.
“Ni Bernie Taupin den külemi ken aten tenzüker küm 50 ajungba mung sangküm amungtsü bilemdar,” ta pai ashi.
John ya tang Europe nung kenten sentong agia jajadar. Ano December ita tatemlen nungi tenzüka Caesars Palace, Las Vegas nung The Colosseum nung ita ana mungtsü sentong lir aser iba sülen North America nung ita ka kenten sentong agia jajatsü.