Elvis Presley indang film 2021 küm October 1 nü sayatsü

Washington DC, August 07 (Agencies): Nüngtugu kentener, asür Elvis Presley indang taküm otsü film 2021 küm October 1 nü sayatsü.
Iba film ya Baz Luhrmann-i direct asütsü.
Hollywood Reporter ajanga ashiba agi, America nunger actor aser kentener, Austin Butler-i iba film nung King of Rock, Elvis shilem agitsü.
Warner Bros-i ashiba agi, iba film otsü ya Elvis Presley nüngtugu akümtsü tenzükaba mapang nungi pa kanga nüngtugu akümba tashi, küm 20 indang otsü asütsü.
Warner Bros.-isa `Dune` film sayatsü mapang atsülanga 2020 küm December 18 nü sayatsü. Director Denis Villeneuve-i direct asüba film ya Steven Spielberg aser Fox indang film `West Side Story,` Sony aser Tom Holland indang video game film `Uncharted and Paramount`s Coming to America` den mapang ka nung külemi sayatsü.