Elvis Presley indang hon agi yangluba piano ayoktsü

October 08, 2015: Nüngtugu kentener Elvis Presley-i pa akümli mapang tetsü nem alitsüba 24-carat gold-leaf piano November 7, 2015 nü auction asütsü, iba den külemi kasa auction nung Beatles logo aliba drum skin-a ayoktsü.

‘King of Rock N’ Roll’ ta ajasang Elvis aser nüngtugu kentener telok Beatles indang densema oset kar Julien’s Auction nung ayoktsü.

Elvis-i iba piano ji tetsü asüba sülen rizünga ayu, saka Priscilla Presley-i Elvis kibong akümba sülen küm ka ajungbamung nung agiteta liasü, ta Ace Showbiz osang ka ajanga metetdaktsü.

Piano ji küm aika Nashville nung aliba Country Music Hall of Fame nung sayaa arudar. Ibaji mejangjaba nisung kati alizüka liasü. Iba piano ajanga US sen 500,000 nungi sen 700,000 tsüngdabosa yokzüktsü imlar.

Ano Beatles indang drum skin ji par telok nung drum atemsa Ringo Starr-i 1960s mapang mezüng US semdangba mapang amshia liasü.

Iba drum skin ji 1964 küm New York nung “The Ed Sullivan Show” aser Washington DC o New York’s Carnegie Hall nung parnok kenten sentong nunga amshia liasü.

Iba drum skin indang logo nung ‘T’ ojang mali.