Eminem-i 2017 Reading & Leeds benjungmong nung shilem agitsü

February 24, 2017 (Agencies): Eminem-i 2017 Reading & Leeds benjungmong nung shilem agitsüpur Muse aser Kasabian nunger den züngsemogo. Pai iba sentong nung tang agi asembenbuba shilem agitsüba lir.
Taoba mapang 2013 aser 2001 nung pai kasa sentong nung shilem agia liasü. Eminem taküm küm tatemi kensep 9buba sayatsü asoshi rememba olulu jembidar.
Benjung ayonger Melvin Benn-i Slim Shady tasembenbuba iba sentong nung arua shilem agitsü yongya bilemba lemsatepa liasü. “2013 küm pai shilem kanga junga agiogo, aser taküm pa shilem agi matateter,” ta pai ashi.
Iba den külem L.A nung August 25 nungi 27 tashi iba benjung sabang balala nung shilem agitsüpur parnok 70 sangdongogo. Item rongnung indie-pop three-piece Haim, South London rapper Giggs, aser Stockport band Blossoms nunger tawa züngsemertem rongnung den lir.
Taoba mapang iba sentong nung shilem agitsüpurtem sangdonga aliba rongnung Fatboy Slim, Two Door Cinema Club, Wiley, Bastille aser Major Lazer nungertem liasü.
Shilem agitsüpurtem December nung parnok 57 sangdongba nung tetsür ka dang aliba aikati aitsüogo. Maneni tanabuba sangdong nunga tetsür ka inoksema lir.
2012 kümshilem agiba sülen ‘Kasabian’ tang agi tanabenbuba shilem agitsü. Muse pura iba benjung nung tasen masü, parnok taoba mapang nung 2006 aser 2011 nung shilem agiogo.