Emma Stone ‘La La Land’ nung shilem atema Best Actress angu

January 30, 2017 (Agencies): Emma Stone, Golden Globes best actress award anguba sülen maneni ‘La La Land’ nung shilem atema 2017 SAG Awards nung best actress award nuogo.
Best actress jenjang asoshi tokteper Amy Adams (‘Arrival’), Emily Blunt (‘The Girl on the Train’), Natalie Portman for (‘Jackie’) aser Meryl Streep (‘Florence Foster Jenkins’) nunger ajateta Küm 28 tai Emma Stone-i iba award angu.
“Nenok indang sempet aser shisatsüji kanga dang tesüngmangtsüka,” ta iba award agizükdang Stone-i külem actress tem dang ashi.
Iba award agizükba sülen lai maneni film writer-director Chazelle aser ‘La La Land’ nung külemi shilem agisang Ryan Gosling tenüng asang. Maneni lai artists balala aser film yanglurtemi lokti dak ajemdaker yangluba mapa tajungtem koba ajanga tepela prokshir item asoshi parnok tenüng asang.
Iba award sentong Los Angeles nung Shrine Exposition Center nung among.