Employment Exchange ajak Counseling Centres akümtsü

Kolkata, October 13 (Agencies): Linük tesem ajak nung Employment Exchange ajak National Career Counselling Centres (NCCC) agi melentsü, koba ajanga tenüng züluoka alirtemi mapa maongka angutsü, ta Mongolbar nü Kolkata nung Union minister kati ashi.

“Employment Exchange ajak NCCCs agi melentsü, koba ajanga mapa bushir nisung crore pezü dak tema anepalutsü,” ta Union Minister of State for Labour Bandaru Dattatreya-i osangbenertem dang ashi.

Item Centre ajanga mapa maongka bushiba dak alaka mapa bushirtem nem osang agütsütsü aser tenüng züluoka alirtem nem counseling-a agütsütsü, ta Dattatreya-i ashi.

Paisa, NCCCs model 100 amenoktsü, aser item rongnung model ana sangküm February tatemlen West Bengal nung amenoktsü, ta metetdaktsü.

“Iba maparen atema Centre sorkari nüngdakba ajak agi yaritsü,” ta paisa ashi.

State nung project ana nungji sen crore 800 shi intoktsü.

Tang linük nung Employment Exchanges & University Employment Guidance Information Bureau 978 lir.