October 16, 2015: Bollywood actor Emraan Hashmi-i kaket ka zülutsü, aser iba kaketji ajanga par jabaso arishi küm pongu-i first stage cancer tashitak den raraba indang tatongi ashitsü.
Küm teku tejaklen arishi küm 36 “Mr X” star ya Parveen Shahani den kibong akum aser tana jabaso ka sosema lir, aser pai, iba kaket zülutsü atema jangra liasü ta shiogo.
“Tesüiba küm anaji kü taküm nung ni asoshi tetendangba mapang liasü. Ibaji ajanga ni tesayur tajungtiba ana ngutetogo. (Ibaji) Cancer aser kü jabaso lir,” ta pai ashi.
“Penguin nung team ajak dang ni pelar! Iba kaket sayatsü yongyar. Kaket sayatsü anogo tejangja atema nenok terata nung yutsütsü,” ta Emraan-i Twitter ajanga ashi.
Iba kaketji sangküm sayatsüa akok.
Ano Penguin Books India-ia, “Onoki @emraanhashmi-i par jabasi cancer anema raraba indang kaket publish asütsü ta tepela nung sangdonger. 2016 küm sayatsü,” ta ashi.
You must be logged in to post a comment Login