Enea Bastianini-i Moto3 San Marino Grand Prix kokogo

Rome, September 14 (Agencies): Italy nunger Honda bike toktepa anishisang, Enea Bastianini-i Misano circuit nung ayongba Moto3 San Marino Grand Prix yashi Deobar nü kokogo.

Yashi tetoktepba nung pole position maongka angusang, arishi küm 17 tain Bastianini-i KTM bike anishir, Portugal nunger Miguel Oliveira aser külem Honda bike anishir, külem sensopur Niccolo Antonelli na den tekaraba mapang nung alizüng tonga yashi takokbaji angu.

Taküm 2015 küm tenzüker tanü tashi nung ayongba Moto3 Grand Prix tetoktepba 13 nung Bastianini ya takok angur 7 buba akümer lir.

Bastianini-i tan takok anguba sülen overall shilem nung tanabuba jenjang nguogo saka pai points 55 agi mezüngbuba jenjang nung alisang, Britain nunger Danny Kent tanga memenepi lir.