‘Energy conservation’ atema state level painting tetoktepba agi

(L) A category ; (R) B category nung takok angurtem den FP Solo noksa nung angur.

Kohima, November 9 (TYO) : Ministry of Power, Government of India-i ayongzükba National Campaign on Energy Conservation -2016 kübok November 9, 2016 nü ‘state level painting competition’ ka ayongzüka agi.
Iba sentong ya Ministry of Power, Government of India-i Nagaland State Designated Agency, Department of Power Nagaland aser North Eastern Electric Power Corporation den yaritepa ayongzük.
Iba tetoktepba atema omentemji- “Saving energy is generating energy,” “For better tomorrow, save energy” aser “Save energy, get wealthy” tem liasü.
Sentong nung Commissioner & secretary for School Education & SCERT, F.P. Solo-i o jembidang, energy aser environment wazüka ayutsüba mapa nung nisung ajak longjemer inyaktsüla ta ashi.
Asenoki süngdongtem atemtsüla aser arem shirurutem aser ozütem timi itettsüsa arem min adokdaktsütsüla. Asenoki tanü arem shiruru aser ozütem wazüka meyura, tarutsü putui shiruru aser ozütem mangutsü, ta F.P. Solo-isa ashi.
Sentong nung SDEA Chief Electrical Inspector, I.V. Chishi-ia o jembidang, ‘asenoki energy mekümdangi amshiba ajanga asen tarutsü nung timtem tulu ajurutsü” ta ashi.
Tanü tetoktepba nung adenertemi arem aser lipoküm wazüka ayutsü atema süng atsükba ajema kümdaktsütsü aser LED bulb o solar energy amshitsü atema tayongzükbatem agütsü.
Telemsa ana nung agiba painting competition takok angurtem:
CATEGORY A
1st: Micheal Yeptho- St. Mary’s HSS Dimapur
2nd: Olivile H. Yepthomi-Holy Cross HSS Dimapur
3rd: Touzolu Rhakho-Livingstone Foundation HSS Dimapur
CATEGORY ‘B’
1st: Mathurengabou Poumai- JNV Jakukie, Kohima
2nd: Imnatoudongm Longkumer-El Shaddai Academy, Dimapur
3rd: Dzüzeho Soleho-Azedon school Kohima