England NHS mozüki tem nung ‘Cyber-Attack’ asü

London, May 13 (Agencies): England nung mozüki aika nung ‘cyber-attack’ asüba National Health Service (NHS) ajanga metetdaktsü. Iba ajanga staff aika computer nung mapa meinyakteti aküm aser ‘emergency patients’ tem tangaleni yoktsüsa aküm.
Hokolbarnü linük ajunga nung NHS sites indang IT system mapang kasa nung attack asü. Mozüki nung PC tem tanaben amshitettsü asoshi sen meshiba osang ka Computer tem nung adoka liasü, ta osang ka ajanga metetdaktsü.
NHS England-i ashiba agi, parnoki iba tibelemtsü jangjaa lir aser iba dak sendakba nung osang tejangja yakta agütsütsü.
‘Cyber-attack’ ajang kongshiba mozükitem rongnung, East aser North Hertfordshire NHS trust, London, Barts Health, Essex Partnership university NHS trusts, the university hospitals of Morecambe Bay NHS foundation trust, Southport & Ormskirk hospital NHS trust aser Blackpool teaching hospital NHS foundation trust liasü.
“Nikongdang 12:30 ako shi nung email server mapa meinyaki akümba onoki ajangshi aser iba sülen ‘clinical systems’ aser ‘patient system’ tem aika nung timtem adok,” ta NHS IT nung inyaker kati osangbenertem dang ashi.
“Network nung ‘bitcoin virus’ indang ‘pop-up message’ ka adok aser iba ajanga computer amshirtem dang parnok computer meyiba amshinüra sen $300 agüjang ta meshi. Iba sülen ‘trust staff’ tem ajak dang parnok computer shibanger sür tang tetuyuba magütsü tashi atatsü asoshi metetdaktsü,” ta NHS nung mapa inyakerisa ashi.
‘Cyber-attack’ ajanga Liverpool aser Greater Manchester nung tesem kar densema GP surgery tem kongshia liasü.
IT specialists tem iba tibelimtsü ya tekeraba nung azüoktsü asoshi inyaka liasü, ta NHS trust ajanga metetdaktsü.