England teloki N Zealand koka World T20 final-i iogo

New Delhi, March 30 (Agencies): England teloki New Zealand telok madak wicket 7 agi semifinal asaya koka tang tasayadak 2016 World Cup Twenty20 (T20) cricket asayamong final-i tanü, Bodbar nü iogo.
N Zealand teloki mezüng batting asü aser par teloki overs 20 nung wicket 8 laoa ajak agi runs 153 yanglu.
Tesülen, Jason Roy-i ball 44 nung runs 78 yangluba den külemi, Jos Buttler, Joe Root aser Alex Hales nungeria runs 32, 27 aser 20 yanglua yarisemba yong par teloki overs 17.1 nung N Zealand-i yangluba runs ajangteta tanü asayaji kokadok.
Ano külen, Australia tsürtemia runs 5 agi England tsürtem madak takok ngua tetsür World T20 asayamong final nung shilem agitsü jenjang tanü ajangzükba osang jangjaogo.
Australia captain, Meg Lanning-i ball 55 nung runs 50 yangluba densema, par Australia teloki wicket 6 laoa ajak agi runs 132 yanglu.
Tesülen, England tsürtemi ajak agi runs 127 dang yanglutetba yong par teloki tamakok ajurua liasü.