“English nung North aser South ya Ao o nung kechi amshitsü?”

 ~ Y. Imti Tzüdir, Nuton Bosti, Dimapur.

Ni school azüngdang class nung Tesayuri “North” dang “Anüdoklentip” aser “South” dang “Anüolentip” ta ajar ta sayu. Saka tanü asüng angazükba agi aikati North-ji anüolentip aser South-ji anüdoklentip ta ashir. Ibaji jangjatsü atema ni Ao Osep (Dictionary) kar nung zülua aliba yamai shinür. Ao Naga Dictionary Rev. Dr. E.W.Clark-i züluba aser aji ABAM ajanga 2013 nung Revised Edition adokba tapak 87 (Page 87) nung yamai shia lir, “anüdoklentip is more commonly used for North, and anüolentip for South”. Ano Renthy Keitzar-i züluba “Ao Dictionary, Ao to English and English to Ao” tapak 4 nung “Anüdoklentip-north, anüolentip – south ta shia lir, aser tapak 153 nung south-ji anüolentip ta shia lir. Anungji item nungi tejangja angateter anüdoklentipji north aser anüolentipji south asütsü. ABAM-i Revised Edition – 2013 adokba Ao Dictionary ya Ao Senden Literature Board-ia O Semlok agüja lir. Aser Dr. Renthy Keitzar-i züluba AO DICTIONARY-jia Ao Literature Committee aser Ao Christian Literature Committee ajanga approved sür adokba ta tejangja shia lir.
English Holy Bible nung North 155 ben tashi zülua lir aser South 164 ben zülua lir. Ao Laishiba nunga North-ji kar nung anüdoklentip aser kar nung anüolentip ta amshia lir. aser South-ji kar nung anüdoklentip aser kar nung anüolentip ta amshia lir. Levi 1:11 nungbo North-ji “septsülen” ta agüja lir. Saka T.Ken 78:26 nungbo English nung “South wind” ji “Septsü mopung” ta shia lir. Teküpoklen agüja aliba Lai tekongtem nung English nung Southji Ao Laishiba nung anüdoklentip aser North-ji anüolentip ta amshia lir. Lipok 12:9; 13:1; Anitet 26:18; 34:3; 26:18; Züngdangba 10:6; Yihusua 10:40; 11:2; 12:3; 13:4; 15:7; 8, 10; 18:5-21; 19:8,17, 34; I Samuel 14:5; I Chubatem 7:39; 1 Putipuyang 9:24; 26:17; 2 Putipuyang 4:10; Yob 9:9; 39:26; T.Ken 75:6, 78:26; 89:12; A.Shin 25:23; Sayutsüngir 1:6; 11:3; Isaia 14:13, 31; 41:25; 43:6; 49:12; Yerimia 1:13; 31:8; 46:24; Ezekiel 9:2; 48:28; Daniel 8:4,9; Amos 8:12; Mathi 12:42; Luk 13:29; T.Mapa 8:26; Jungkai Adokba 21:13 (Ni mungujemba tapu aser tekong ano alitsü akok).
Note 1 : English nung North aser South naji Ao o nung shitakba koba asütsü tejangja Ao Senden Literature Board ajanga approved asüba amaji amshitsüla; kechiaser kari north-ji anüdoklentip aser kari south-ji anüdoklentip (& vice versa) amshiba jagi asen Ao o-ji sensaker ta sayur. North aser South ya Ao o nung shtiak amshitsü Ao Literature Committee ajanga final telemtetba ka agütsü nung kanga ajungtsü.
Note 2 : Item Lai tekong Ao Laishiba nungji tera meshitak: Ezekiel 40:44; 48:31.
Note 3 : I Putipuyang 12:31: Ao Laishiba nungbo “Manase tesadang kin nungi 10,000” ta agüja lir; aser Ao Laishiba 1992-93 nung adokba nungbo 28,000 ta shia lir. Saka English Bible nungbo ajak nung 18,000 ta shia lir. Iba taiji melenshitsüla.
Note 4 : T.Mapa 27:12 nungbo English nung “Southwest & Northwest” ta asübaji Ao Laishiba nung “anüolentip aser anüdoklentip” ta amshia lir.
Note 5 : Ao Laishiba tetuyubaji (reference) 2015 küm adokba “Golden Jubilee Edition” nungi agütsür.
Note 6 : Agüja aliba Lai tekongtemji azüngdang English Bible den compare süa azüngtsüla.
Laishiba tekongtemji kar danga aibelena zülusema lira ni meyipa agir.