Enrique Iglesias-i Latin AMA nung award pongu nguogo

October 09, 2015: Tan mezüngsüa akaba ‘Latin American Music Awards’ sentong nung ‘Artist of the Year’ award dena Enrique Iglesias-i award pongu nguogo.

Arishi küm 40 tain, Enrique-i iba sentong nung Artist of the Year, Favourite Male Artist den Nicky Jam, ‘El Perdón’ den lokteper inyakba nung award asem anguba zünga ajak agi award pongu angu.

Social media nung pa sapurtemi pa atema vote angutsüba tenüngsanga ashiba mapang pai, “?#?LatinAMAs? atema vote angutsür ajak dang kanga pelar,” ta lemsatepa liasü.

Iba award agütsüba sentong ya Dolby Theatre, Los Angeles nungi live yoka liasü aser sentong nung Natalie La Rose, Paulina Rubio, Trevi, Fonseca aser Yandel den Lil Jon nunger ajaki shilem agia liasü.

Iba sentong nung J Balvin-i New Artist of the Year gong, Ricky Martin-i Album of the Year aser Gloria Trevi-i Favourite Female Artist award tem ngua liasü.

Demi Lovato-i Favourite Crossover Artist award angu aser Zedd-i Selena Gomez anioker atenba ‘I Want You To Know’ ken ajanga Favourite Dance Song award angu.