ENSF-i lungkak aittsü aliba athir

Kohima, April 22, 2022 (TYO): Eastern Naga Students’ Federation (ENSF)-i Hokolbarnü lungkak aittsüba sentong aliba thinenogo.

“April 21, 2022 nü State Cabinet senden nung taoba mapang Nagaland Staff Selection Board (NSSB) Regulation, 2020 nung medensemba Departments aser Posts enoksemtsü molunga agizükba ajanga lungkak aittsü aliba athir” ta ENSF-i tanü sangdong ka nung metetdaktsü.

Chief Minister Neiphiu Rio lenisüba kübok Nagaland sorkari ENSF takhangba agizükba atema pelar, ta parnoki ashi.

State sorkari tekaratiba nung NSSB mapa tenzüktsü ayongzüker ta ENSF-isa metetdaktsüogo.