“Environment & you” omen nung painting tetoktepba kaogo

Dimapur, September 12 (TYO): Honibar nü Bridgestone Centre, Computech Mobile Shed, Dimapur nung Corporate Social Responsibility (CSR) programme dak sentakba nung alima nung tyre aser rubber company tulutiba, Bridgestone-i ayongzüka school tanurtem asoshi “Environment & you” omen nung painting tetoktepba kaogo.
Iba ama tetoktepba sentong ya state nung tang mezüng ayongzüka kaogo, aser iba sentong ya tanurtem melungjang nung alima lipukum indang rajema lidaktsütsü nükjidong nung ayongzüka liasü.
Iba tetoktepba ya arishi küm 5 nungi 15 tanurtem atema liasü, aser parnok 67-i shilem agiogo. Tanur ajak nem colouring pouch angati agütsü.
Takok angurtem dak alia shilem agir ajak nem certificate agütsü.
Class 4 ser teküboklen telemsa nung mezüngbuba jenjang nung takok angurji Hope Academy
nungi Nyuhoi- (Class 2)-i angu, tanabuba jenjangji Bethesda HSS nungi Karan Kumar (Class 4)-i angu aser tasembuba jenjangji Maple Tree school nung Likum Longkumer (Class 4)-i angu.
Class 5 ser tekapur telemsa nung mezüngbuba jenjangji Christian HSS nungi Rishi Deb (Class 7)-i angu, tanabuba jenjangji Bethesda HSS nungi Ruth Newmai (Cl.6)-i angu aser tasembuba jenjangji Holy Cross HSS nungi Saptapurna Mandal (Class 7)-i ngua liasü.