New Delhi, March 02 (Agencies): General Budget 2016-17 nung Employees Provident Fund (EPF) nungi saru agitsü sangdongba sülen nisung aikati iba anema ola adokogo, aser iba dak sentakba nung Bodhbarnü Finance minister, Arun Jaitley-i, iba dak sentakba nung telemtetbaji March 2 nü Parliament nung pai sangdongtsü ta metetdaktsü.
“Parliament nung iba onük nung o toktepba mapang sorkari lemtetba telangzübaji ni agütsütsü,” ta Jaitley-i industry associations- FICCI, CII aser Assocham nungi teshimtet züngsemtem dang ashi.
Hombarnü Genreal budget benokdang Jaitley-i, April 1, 2016 nungi Provident Fund agizükba shilem 60 nungi saru agitsü metetdakja liasü.
You must be logged in to post a comment Login