EPL-i par logo tasen sayaogo

London, February 10 (Agencies): Alima ajunga nung tongti football asayamong, English Premier League (EPL)-i yashi, Mongolbar nü logo tasen sayaba sülen 2016-17 nungi tenzüka iba logo amshi tenzüktsü lemtetba osang ka metetdaktsüogo.
EPL-i küm 12 tashi Barclays bank den tesendaktep ayuba tembanga joko iba asayamong ya ‘Premier League’ ta ajatsü renemer lir.
“2016-17 nungi tenzüka EPL tenüng ‘Premier League’ küma melenshir amshitsü renemogo. Tarutsü anogotem nung iba den sentakba osang tejangja alima den lemsateptsü,” ta Premier League managing director, Richard Masters-i metetdaktsü.
“Football ka nung tetsüng abelen ayuba molusüngzü noksaji melena achijilen reprangba molusüngzü noksa den ‘Premier League’ mesüra ‘PL’ zülujang ajenokba noksa ang Premiere League asayamong maitsü asütsü renemogo,” ta paisa shisem.