EPL nung West Ham-i Arsenal 2-0 agi akok

Arsenal Goalkeeper Petr Cech-i West Ham united nungi Cheikhou Kouyate-i tekolak agi tongoktsüba ball ka mepushi goal aiba iba noksa nung angur.

London, August 09 (Agencies): West Ham United-i küm 8 tashi mokoki aruba Arsenal telok Deobar nü tan English Premier League (EPL) atema tena mezüng asaya Emirates Stadium, London nung asayadang mamangtsü ka 2-0 agi kokogo.
2007 nungi tang tashi nung 16 ben buba asayadang West Ham-i Arsenal madak iba takok ya angurba lir.
West Ham coach Slaven Bilic-i tan EPL nung meimlaba point 3 mezüng asaya nung anguba atema kanga pela liasü.
Arsenal-i kanga junga asayatsü tenzük aser tenzüker minute 10 dak lir külen Alex Oxlade-Chamberlain goal ka yoktsü merang saka goal post azükleni metsüdok.
Iba sülen Arsenal-i ano anaben tashi goal yoktsü maongka nguteta liasü saka meyoktet.
Aji oda half-time atongtsü minute asem lia West Ham nungi Payet-i free kick ka metsüba Kouyate-i tekolak agi tongokja West Ham atema mezüng goal yok.
Half-time sülen minute 12 buba nung Zarate-i West Ham atema tanabuba goal yoka liasü aser ibaji sür külenbo Arsenal team-i kecha mesüteti küma iba asaya West Ham-i akok.