Er. Kropol Vitsu nem tenüngsang agütsü

Kohima, August 08 (TYO): Tanü Economics & Statistics directorate conference hall nung Economics & Statistics and SCERT Parliamentary Secretary, Er. Kropol Vitsu nem tenüngsang agütsüba sentong den Rural Unrban indang mezüngbuba New Consumer Price Index (CPI) sayaba aser 75th Round for national sample service atema NSS Combined & State Level Training agiogo.

Sentong nung jembidang Er. Kropol Vitsu-i directorate staff tem dang kanga nendaka inyaktsü aser department nung tongtibang shilem agiba ajanga terenlok katsütsü atema ayongzük.

Paisa, nüburtemi ajangshiba tayongzükbatem koktettsü atema Department-i longjemer inyaktsüla aser data maparen junga inyaktsüla, ta metetdaktsü.

Sentong nung Economic & Statistics Department secretary, Kevileno Angami-i Department-i inyakba mapatem metetdaktsüba den külemi pai, mapatong aser sentong balala inyaktsü atema osang shitak aser  tejangja bendentsü nüngdak, ta metetdaktsü.

Sentong nungsa Parliamentary Secretary-i quarterly price bulletin price Index saya.

Ano Deputy Director, Neidilhou Angami-ia yimtsüngtem aser jilatem naprong indang New Consumer Price Index (CPI) rate indang New CPI publication metetdaktsü.