Ericsson aser Aruba, HP na lokteper

New Delhi, September 21 (Agencies): Sweden nungi tongtepratep technology aser service agütsür company tulu, Ericsson-i, market nung WiFi aser ‘long-term evolution’ (LTE) inyakyim tasen benoktsü nükjidong nung parnok HP meyong Aruba den lokteper, ta Hombar nü metetdaktsüogo.
Aruba-i enterprise wireless LAN aser networking osettem ayoker. “Iba lungjemba ajanga business-i melaba aser memelaba telemsa angateta maongka tajung kara agia terenlok mapa inyaktsü tebilemba lir,” ta company sangdong ka ajanga metetdaktsüogo.
“Tan Aruba WiFi loktepba sülen Ericsson tenüng nung adokba osettem ajanga tamshirtem kanga anisüngzük tulu angutsü,” ta sangdong nungsa shia lir.
Ericsson aser HP napronglai lokteper yangluba osettem tena prongi yoktettsü asoshi telemtetba agiogo. Aruba indang Wi-Fi inyakyim den loktepba ajanga Ericsson-i yangluba oset amshirtem asoshi tajangzük bentsür arutsü.
Iba lungjemba ajanga HP-ia customer tem asoshi ano tali junga inyaktettsü, ta HP enterprise group nung executive Tatong Tir aser general manager Antonio Neri-i ashi.