Eshak-i Longleng nung district cultural office semzüktsü

October 20, 2017 nü Longleng nung District Cultural Office tasen semzükba sentong nung Art & Culture, Handloom & Handicraft Parliamentary Secretary, Eshak Hessum Konyak aser ketdangsertem külemi tangokba noksa nung angur.

Dimapur, October 21 (TYO): October 20, 2017 nü Art & culture, Handloom & Handicraft Parliamentary Secretary, Eshak Hessum Konyak-i Department of Art & Cultural, Longleng indang office tasen ka semzüktsüogo.
Iba sentong nung Kohima nungi Department ketdangser aser staff tem, District Administration ketdangsertem aser staff tem den nübur lenirtem dena liasü.
Sentong nung jembidang Eshak Hessum Konyak-i, department-i sobaliba putiotsü aser senmang wazüka ayur, iba denji külemi lanurtema iba nungji aniteter, ta metetdaktsü.
Paisa, Longleng nung District Cultural Office lapokba ya district nung alirtem atema alizüng tulu ka tongtetba lir, aser iba office aya janga nüburtem nüngdak peritsütsü imlar, ta metetdaktsü.
Paisa ketdangsertem aser staff tem danga kanga nendaka inyaktsü ayongzüka liasü.