Eshak Konyak-i DCO Zunheboto semdang

Dimapur, May 2 (TYO) : April 30, 2016 nü Art & Culture Parliamentary Secretary, Eshak Konyak-i Zunheboto nung District Culture Office (DCO) semdang.
DCO, Zunheboto kanga junga tiptema ayuba atema Eshak Konyak-i tenüngsang agütsü aser idakji mapa inyaker ajak dang nendaka inyaktsü ayongzük.
Parliamentary Secretary-isa, DCO, Zunheboto nem teyari agütsütsü ta nangzük.
Iba mapang Information & Public Relations (IPR) Parliamentary Secretary, Khekaho Assumi-i Eshak meina aru aser paia o jembidang, ketdangser ajaki pei kübok mapa inyakertem indang khuret angatettsü atema tayongzükba agütsü.
Sentong nung Zunheboto ADC, Nungsangmenla Imchen-ia Parliamentary Secretary dang Cultural Office, Zunheboto nem sobaliba osettsüsettem aser museum osettem talila agütsütsü ayongzük.
District Culture Officer (DCO), Kevingulie-ia Parliamentary Secretary dang department-i timtem ajuruba onük kar lemsatep aser office atsübangtsüba den furniture kar agütsütsü atema mepishia metetdaktsü.
Iba sentong nung Managing Director, NHHDC, Hokishe Assumi, EAC, Zunheboto, Kemciyile, DPRO, Lanuakum aser tanga ketdangser aika aden.