‘Ethics and Values in Public Governance’ nung training tenzükogo

Kohima, Tsüklai/February 24, 2020 (TYO): Administrative Training Institute, Kohima nung February 24, 2020 nü ‘Ethics and Values in Public Governance’ nung anogo asem mid career training sentong lapokja liasü.
Additional Director (Admn) Angelina Tajen-i, NCS aser NSS Officers atema Ethics & Values nung training ya 2019 July nung Nagaland Chief Secretary-i tenzükja aser Initiatives of Change (IofC), Panchgani, Maharashtra den ATI longjemer achaayanga liasü, ta metetdaktsü.
Tawa tanü ochimashiba, tangatetba nung anünga aliba aser inyakyim mesüra sorkar maparen nung densema inyakertem mapa ashishiba dak sendakba nung ajemdaker, lai temelenshiji asenok dak nungi adokdatsütsüla ta training nung adenertem ajunshia liasü.
Iba training lapokba sentong nung L. Youdang Jamir, Additional Director (Trg) menden liasü. Kiran Gandhi-i ‘Initiatives of Change’ inyakyim indang metetdaktsü aser Niketu Iralu-i ‘Challenges and Opportunities’ nung ajemdaker jembia liasü.