EU-i kiralongrar anemtsü tesep tasen ka tenteter

Amsterdam, January 25 (Agencies): European Union (EU)-i kiralongrartem anema raratsü tesep tasen ka tentetogo.

“Küm 10 tsüngda nung Europe-i kiralongrar den sentakba lendong tesashitiba ajurutsü tenzüka lir,” ta shia, EU-i Europol den sentaktepa, European Counter Terrorism Center tanü Hombar nü Netherlands kübok The Hague nung tentetba osang ka Europol Director, Rob Wainwright-i metetdaktsü.

“Tan tentetba tesep tasenba nung kiralongrar anema rarar mongin nisung 40-50 shi kiralongrar den sentakba miim osangtsüsang, bendangertemi kiralongrar telok balala nung züngsemtsü merangba osangtem, kiralongrartemi tongpang nung amshitsü osettsüset alizükba osangtem aser parnok indang senotsü lenmangtem bushia EU nung densemba linüktem ajunga den kiralongrar anema raratsü maparen nung yariteptsü,”  ta paisa shisem.