EU lenir, Mogherini-i Saudi Arabia & Iran semdangtsü

Brussels, July 23 (Agencies): European Union (EU) foreign policy lenila, Federica Mogherini-i Saudi Arabia aser Iran na taruba hopta semdangtsü sentong renemogo.

Mogherini-i taruba Hombar nü Saudi semdanga par foreign minister, Adel al-Jubeir den ajurutepa senden ka mena Iran den nuclear tezüngzüktep agiba ajanga tajangzük bener arutsütsü den sentakba onük benoka jembitsü sentong renema lir.

Lai Saudi semdangba sülen Iran linüka taruba Mongolbar nü semdanga Iran Foreign Minister, Mohammed Javad Zarif den ajuruteptsü.

Alima tashi abenba linük lenirtem aser Iran na tsüngda tan July ita 14 nü agiba nuclear tezüngzüktep agizüktsü telemtetba ka EU-i tan hopta agiogo.