EU linük shiai migrant nisung 6000 tashi ita shi anioktsü ajungshir

Paris, March 11 (Agencies): European Union (EU) nung züngsemba linük shiai tang Greece aser Italy na nung jenoka alir migrant nisung 6000 tashi ita shi pei linüki anioka jenoka lidaktsütsü tajungshiba olen ka EU lenirtemi tanü, Hokolbar nü metetdaktsüogo.

“Greece aser Italy nati migrant nisung 160,000 shi par linük ana nung jenoka lidaktsütsü nangzük saka par linüki nangzükba dang nungi kanga agi timba küma migrant nisungtem Greece o Italy na nung jenoka aliba yong tanüngba EU nung züngsemba linüktemi ita shia Greece o Italy na nung jenoka alir migrant nisung 6000 tashi pei linük nung jenokdaktsütsü nungdaka kümogo,” ta European Migrantion Commissioner, Dimitris Avramopoulos-i metetdaktsü.

“EU nung züngsemba linük karibo tanü tashi nung migrant nisung ka danga par linük jenokdakja maliba osang bushiteta lir,” ta shia, EU nung züngsemba linüktemi migrant nisungtem pei linük nung mejenokdaktsüba ajanga Europe ajungai tebang agi mejembitetba timtem toushi ajurutsü tenzükba olen ka pai sangoktsü.

Turkey linüki tang ajurushia aliba migrant nisungtem den sentakba khuret ajemtsütsü asoshi EU-i alizüng ayuba olena paisa lemsatepa liasü.

EU aser Turkey lenirtemi Turkey-i tang ajurushia aliba migrant nisungtem den sentakba khuret takaratiba nung bentetsütsü asoshi EU aser Turkey lenirtemi alizüng ayuba osanga jangjaogo.