Bordeaux, June 22 (Agencies): Croatia teloki goal 2-1 agi defending champions, Spain telok madak takok ngua tang tasayadak Euro 2016 Group D asaya yashi, Mongolbar nü asayaogo.
Yashi asaya tenzüker minute 7 buba nung Cesc Fabregas-i yanglutsüba cross ball agizüka, Alvaro Morata-i goal 1 agüja par Spain telok temaba jenjang nung ajungkettsü.
Ajisüaka, asaya mezüngbuba shilem tembangtsü mapang nung Nikola Kalinic-i külem asayar, Ivan Perisic-i yanglutsüba cross ball agizüka par Croatia telok asoshi goal 1 agütsüba yong par telok anaprongla kasa jenjang aküm.
Tesülen, asaya tembangtsü minute 3 shi anünga alidang Perisic-i tanabuba aser takokba goal agüja par Croatia telok nem takok ngudaktsü.
Ano külen, world champions, Germany telokia goal 2-0 agi Northern Ireland telok madak takok ngua par Group C asaya yashi asaya liasü.
N Ireland teloki yashi tamakok ajuruaka, Czech Republic teloki goal 2-0 agi Turkey madak takok anguba yong Ireland teloki Albania aser Turkey na den temaba jenjang ngua pre-quarterfinal asayatsü jenjang nguogo.
You must be logged in to post a comment Login