Euro 2016: France-i Portugal telok den final asayatsü

Marseille, July 08 (Agencies): Antoine Griezmann-i goal 2 tashi agüja kanga junga asayaba ajanga par France teloki goal 2-0 agi world champions, Germany telok madak 2 buba semifinal asaya koka, tang tasayadak Euro 2016 final asayatsü jenjang yashi, Brehostibar nü nguogo.
Tan semifinal asaya akokba sülen France teloki 1 buba semifinal asaya akoker, Portugal telok den final nung ajuruteptsü.
Yashi asaya 1 buba shilem tatemlen Germany captain, Bastian Schweinsteiger-i pa teka agi ball kongshia aibelenba sülen Italy nunger refereee, Nicola Rizzoli-i France telok nem penalty metsütsü maongka agütsü.
Griezmann-i iba penalty ball-ji takok ngua metsüokja par France telok temaba jenjang nung ajungkettsü.
Tanabuba asaya shilem nung Germany asayartemi kanga meranga asaya saka parnoki goal memeyiptsütet.
Tesülen, asaya tenzüker minute 72 buba nung Paul Pogba-i yanglutsüba cross ball agizüka, Griezmann-isa par telok asoshi tanabuba aser takokba goal agüja par France telok nem takok ngudaktsü.
Tan semifinal nung goal 2 tashi agütsüba sülen Griezmann-i ajak agi goal 6 tashi agüja, pa European Championship nung goal timtiba agütsür asayar kümogo.
Ano külen, tan takok anguba ya France teloki 1958 küm sülen tan mezüngsüa tongti asayamong nung final asayatsü jenjang angur lir.