Euro 2016: Italy-i goal 2-0 agi Belgium tsükdaktsü

Lyon, June 14 (Agencies): Italy teloki goal 2-0 agi Belgium telok madak takok ngua tang tasayadak Euro 2016 asayamong Group E asaya yashi, Hombar nü asayaogo.
Yashi asaya mezüngbuba shilem nung telok anapronglai goal ka danga magütsüteti süidaktsüba sülen asaya tenzüker minute 48 buba nung Emanuele Giaccherini-i 1 buba goal agüja par Italy telok temaba jenjang nung ajungkettsü.
Tesülen, külem asayar, Graziano Pelle-i injury added time nung 2 buba aser takokba goal agüja par Italy nem takok ngudaktsü.
Tan takok anguba sülen Italy teloki ajak agi points 3 ajangzükogo.
Yashisa Sweden aser Republic of Ireland na asaya goal 1-1 draw nung tembangba yong Italy teloki par Group E nung temaba jenjang angutsü jenjang tajung ngua liasü.
Italy teloki Sweden den taruba asaya tan Hokolbar nü asayatsü aser Belgium telokia Ireland den tan Honibar nü asayatsü lemzükogo.