Europa League: Liverpool teloki Sevilla den final asayatsü

Liverpool, May 06 (Agencies): Liverpool teloki goal 3-0 agi Villarreal telok madak semifinal asaya koka Europa League football asayamong final asayatsü jenjang yashi, Brehostibar nü ajangzükogo.
Liverpool teloki defending champion, Sevilla telok den final nung ajuruteptsü.
Yashi asaya tenzüker minute 7 buba nung Villarreal asayar, Bruno Soriano-i par telok goalpost telungi ball metsüokja Liverpool telok goal 1-0 agi temaba jenjang nung ajungkettsüba sülen Daniel Sturridge-i minute 63 buba nung goal 1 agüja par Liverpool telok goal 2-0 agi maneni temaba jenjang ngudaktsü.
Tesülen, Adam Lallana-i tasembuba aser takokba goal agüja par Liverpool telok nem takok ngudaktsü.
Sevilla telokia goal 3-1 agi Shakhtar telok madak tanabuba semifinal asaya koka ajaka agi points 5-3 agi temaba jenjang ngua final asayatsü jenjang ngua liasü.