Europa League: Tottenham Hotspur-i takok nguogo

Paris, September 18 (Agencies): Tottenham Hotspur teloki yashi, Brehostibar nü Qarabag madak goal 3-1 agi takok ngua Europa League group stage asaya takokba nung asayatsü tenzükogo.
Yashi asaya tenzüker minute 7 buba nung White Hart Lane-i penalty metsütsü maongka ngua goal ka agütsüba sülen par Qarabag telok jenjang tajungba kümdaktsü.
Ajisüaka, South Korea nunger Son Hueng-Min-i minute 2 tsüngda nung goal 2 aser Erik Lamela-ia tesülen goal 1 agütsüba yong par Tottenham teloki yashi Group J tetenzükba asayaji kokadok.
Ano külen, Liverpool telokia goal 1-1 ngua Monaco telok den draw nung tembanga asayba osang jangjaogo.
Adam Lallana-i goal 1 agütsüba sülen par Liverpool teloki yashi Group B asayaji akoksa jenjang angu saka Jussie-ia par Monaco telok asoshi goal 1 agütsüba yong par telok anaprongla kasa jenjang kümdaktsü.
Tesülen, telok anapronglai goal kata magütsütetba yong iba asayaji draw nung tembangtsüsa aküm.