Europa League: United tatembangba telok 32 nung densemer

Odessa, December 09 (Agencies): Henrikh Mkhitaryan-i tan mezüngsüa goal takok ngua agütsüba densema, par Manchester United teloki goal 2-0 agi Ukraine nung tentetba Zorya Luhansk telok madak takok ngua, Europa League football asayamong nung toktepa shilem agir tatembangba telok 32 tarensen nung densemtsü jenjang yashi, Brehostibar nü ajangzükogo.
Jose Mourinho-i aniba United teloki par Group A nungi tatembangba telok 32 nung densemtsü atema point 1 nungdaka liasü aser Mkhitaryan o Zlatan Ibrahimovic nati goal kaka agüja, par telok nem tan takok ngudaktsüba ajanga par teloki iba alizüngji asangsang nung ajangzükteta liasü.
Yashi asaya mezüngbuba shilem nung telok anapronglai goal kata magütsüteti asayaba sülen Mkhitaryan-i asaya tenzüker minute 48 buba nung Zorya goalkeeper, Igor Levchenko ajangdanga ball metsükja, par telok asoshi 1 buba goal agütsü.
Mkhitaryan-i goal agütsür minute 2 buba nung külem asayar, Paul Pogba aser Ibrahimovic nati ball belenshia lur külen Ibrahimovic-i par telok asoshi 2 buba aser takokba goal agüja, par United telok nem takok ngudaktsü.