Europe foreign minister-temi tongti senden amen

Warsaw, November 29 (Agencies): Central aser Southeast Europe nung tentetba linüktem nungi foreign minister-temi Europe aser European Union (EU)’er tarutsü jenjang den sentakba tongti onüktem benoka jembitsü nükjidong nung tongti senden ka tanü, Mongolbar nü menogo.
Poland foreign minister, Witold Waszczykowski-i ayongba sülen tanü sendenji par yimtiba, Warsaw nung mena liasü.
Russia-i par mitkar tashi amshia, kidangsüa aliba Europe linük nem timtem agütsütsü akok ta Poland aser anameta aliba linüktemi tebilemtsü akaba mapang ka nung tan sendenji ayonga amener lir.
EU foreign affairs commissioner, Federica Mogherini densemba senden nung shilem agirtemi Visegrad ta ajaba Czech Republic, Slovakia aser Hungary nunger densemba region nung tensa azüoktsü den sentakba tongti onük benoka jembi.
Kasa senden nung Montenegro, Serbia, Macedonia, Albania, Bosnia aser Herzegovina & Kosovo densema, EU nung züngsemtsü jangrar Eastern Balkan linüktem nungi minister-tem den Greece, Italy, Bulgaria, Croatia, Romania aser Slovenia nungi minister-temi shilem agia liasü.
Parnoki migration, telok tenteta ozüng alema inyakba, kin mesüra tamangba yimsü nung ajemdaker ozüng alema inyakba, kiralongrar aser ozüng alema inyakertemi lendong atalokdakja tensa mejungi kümdaktsüba onük benoka jembiba den kidangsüa aliba linüktem rong nung sentaktepshitsü aser amalitep alitsü onüktema benoka jembiba osang angazükogo.