Europe nung J.K. Rowling-i sen timtiba aazüker

October 17, 2017 (Agencies): J.K. Rowling ya Europe nung nüngtugu nisungtemi sen timtiba aazükba rongnung temaba jenjang nung lir. Lai sen million £71 aazük.
Saru aser management taa magütsüdang ita 12 tsüngda ‘Harry Potter’ zülulai Europe nung sen timtiba aazük, ta Forbes ajanga asadangtet aser alima nunga la jenjang asembuba nung lir.
Arishi küm 52 tain Rowling-i aazükba sen ya tesadang ka lai purapuji arasener indang züluba nungi aazük aser lai tesüsa züluba ‘Harry Potter and the Cursed Child’ indang kaket ya Britain kisüng nunga copy million 1.3 dak tali yokogo aser 2016 küm linük nung ‘bestselling book’ liasü.
J.K. sülen Forbes list nung taoba mapang Manchester United telok nungi football asayar Cristiano Ronaldo lir aser pai item sen ya Real Madrid telok nungi asayatsü asoshi contract agiba aser endorsement balala nungi angu.
Temaba jenjang nung kentenertema densema lir aser item rongnung Coldplay (sen million £66), Adele (sen million £51), Sir Elton John (sen million £45) aser Sir Paul McCartney (sen million £40) nungertem lir.
Temaba jenjang 20 nung tetsür bo J.K. aser Adele dang lir.
Forbes indang ‘Highest-Paid European Celebrities 2017’ tenüngtem yamai alitsü:
1 J.K.Rowling (UK, £71million)
2 Cristiano Ronaldo (Portugal, £70million)
3 Coldplay (UK, £66million)
4 Adele (UK, £51million)
5 Roger Federer (Switzerland; £48million)
6 Elton John (UK, £45million)
6 Gordon Ramsey (UK, £45million)
7 Paul McCartney (UK, £40million)
8 Rory McIlroy (UK, £37million)
9 Calvin Harris (UK, £36million)
10 Lewis Hamilton (UK, £34million)
11 Simon Cowell (UK, £32million)
12 Tiesto (Netherlands, £29million)
13 Sebastian Vettel (Germany, £28.9million)
14 Novak Djokovic (Serbia, £28.3million)
15 Ed Sheeran (UK, £28million)
16 Fernando Alonso (Spain, £27million)
18 Gareth Bale (UK, £25.5million)
18 Conor McGregor (Ireland, £25.5million)
20. Zlatan Ibrahimovic (Sweden, £24million)