Eva Longoria Jose “Pepe” Baston den kibong akümtsü

Los Angeles, May 18 (Agencies) : Tan hopta tatemlen “Desperate Hosewives” nung shilem agir Eva Longoria-i tetong Jose “Pepe” Baston den kibong akümtsü.

Tenati yaküm December ita aniasüngtepba osang yimjak nung metetdakja liasü aser tan hopta Mexico nung tena kiyimba sentong agitsü, ta Us magazine ajanga metetdaktsü.

Longoria aser Baston na November 2013 nung mezüng yimjak nung tetongteji ama sayu aser Dubai nung tena aniasüngtep. Iba mapang Baston-i Longoria nem ruby engagement ring ka agütsü.

Longoria-i asembenbuba kibong akümer asütsü. Taoba mapang lai actor Tyler Christopher aser NBA star Tony Parker na den kibong kümer bala.