Everton-i Moise Kean atema Juventus nem £27.5m agütsütsü mulungogo

Chiteni/July 30, 2019 (Agencies): Everton puri Juventus nem striker Moise Kean atema transfer fee pound million 27.5 agütsütsü mulungogo, koba ano pound million 36.6 agi ajungkettsü akok, ta Italy nung Sky sangdong ka ajanga metetdaktsü.
Arishi küm 19 tain Italy international asayari hopta nung pound 52,000 aazüktsü akok aser pa Bodhbarnü temang tendangtsü imlar, ta kasa sangdong ajanga metetdaktsü.
Iba tenangzüktepba kübok Juve atema buy-back clause ka aser pa taa ya £36.6m agi ajungkettsüba densema alitsü imlar.
Kean-i taoba season Juventus nungi 13 ben asayaba mapang goal trok idaktsüogo aser Italy team nungi asemben asayaba nung goal ana idakja lir.
Barcelona nungi Andre Gomes, Huddersfield nungi Jonas Lossl aser Manchester City nungi Fabian Delph alizükba sülen Everton pur atema iba ya asayar pezübuba den tenangzüktepba yangluba asütsü.