EX EASTERN BRIDGE-V nung IAF-i shilem agitsü

Kohima, Mongputeni/October 17 (TYO): Indian Air Force pur, EX EASTERN BRIDGE-V ta nüngja agütsür Royal Air Force Oman (RAFO) den Bilateral Joint exercise ka nung shilem agidar. Iba sentong ya October 17 nungi 26 tashi agitsü. EX EASTERN BRIDGE-IV tatembangba exercise 2017 küm Jamnagar nung agia liasü. Tang mezüngbuba MiG-29 fighter aircraft tem India adena orr International Exercise ka nung shilem agitsü.
IAF contingent nung MiG-29 aser C-17 aircraft tem densema lir. MiG-29 ya Royal Air Force Oman indang Euro fighter Typhoon, F-16 aser Hawk den külemi shilem agitsü. Iba sentong ajanga Air Forces ana tsüngda tangatettep nung operation agiba mapang inter-operability ajungkettsü aser kati ka nungi angazükteptsü asoshi maongka agütsütsü.
Iba exercise nung Indian Air Force shilem agiba ajanga professional interaction ajungkettsü, tajashiba lemsateptettsü aser operation tsütsü shisatsü lemsateptettsü. Iba dak alia tesendaktep tajungba küma yanglushitsü aser tayimtsü nung rarartem bendanglen oa inyaksangshitsü asoshi maongka angutsü,” ta PRO (Defence) Lt Col Sumit Sharma-i sangdong ka ajanga metetdaktsü.